Ladki Na Patne Per MLA Ko Likha Letter.
Maharashtra Chandrapur Se Congress MLA Subhash Dhote Ko unke Vidhansabha ke Yuvak Ne Badi Ajeeb Demand Wala Letter Likha.Yuvak Ko Girlfriend Nahi Mil Rahi jiske Liye Yuvak Ne Pareshan Hoker MLA Se Girlfriend Banane Ki madad Maangi.Letter Me yuvak Ne Likha Puri Tehseel Me Ladkiyon ki bharmaar hai Lekin Phir Bhi Meri Koi Girlfriend Nahi Hai Ye Chinta ka Vishay Hai.
Is Wajah Se Mera Aatmavishwas Kamzor Hogaya Hai Main Gramin Ilake Rajura Se Gadchandur Aata Jaata Hu Phir Phi Mujhse Ek Ladki Nahi Patti.Yuvak Ne Aage Kaha Hai ke Sharab Bechne Wale Gandi Shakl Wale Logo Ki Girlfriend Ko Dekh Kar Mera Dil Jalta Hai.
Wahi Congress MLA Subhash Dhote ka kehna Hai Mere Paas Aisa Koi Letter nahi aaya sirf Whatsapp Post ke Zariye Mujhe Ye Jankari Mili.MLA Ne Ye Bhi Kaha Agar Yuvak Milta Hai To Usse Samjha Bujha Kar Uski Problem Ka Koi Hal Nikalne Ki Koshish Karege.
