Do behnein Kalu River, Titwala mein kapde dhote waqt doob gayi.
Titwala ke Manda area mein Shivmandir ghat ke paas Tuesday ko ek dukh bhara haadsa hua.
Do behnein Kalu river ke kinare kapde dhone gayi thi. Dopahar lagbhag 2:15 baje paani ka level achanak badh gaya aur behnein uske tez bhaav mein phans gayi.
Police aur fire brigade ko jaankari milte hi rescue operation shuru kiya gaya. Kareeb do ghante ki mehnat ke baad fire brigade ne 18 saal ki Aliya Ansari ki body nikaali. Lekin uski chhoti behen, 8 saal ki Sana Ansari ki talash sham tak jaari rahi.
Police ko jagah par unka mobile phone bhi mila hai. Usme ek video record hui hai jisme dono behnein kapde dhote dikh rahi thi, kuch hi pal pehle jab yeh haadsa hua.
🪀 *Join Official WhatsApp Group* 👇🏼
https://chat.whatsapp.com/LhDDEWRfaBN8Ce9ASEl62J?mode=ac_t
